ಜೀವನದಲ್ಲಿ ಬೇರೆಯವರ ಮೇಲೆ ಅತಿಯಾಗಿ ಅವಲಂಬಿತರಾದರೆ ಏನಾಗುತ್ತದೆ ಎಂದು ತಿಳಿಯಲು ಈ ಕಥೆಯನ್ನು ಓದಿ..!

ಮನುಷ್ಯನೆಂದ ಮೇಲೆ ಬೇರೆಯವರ ಮೇಲೆ ಅವಲಂಬಿತವಾಗಿರುವುದು ಸಾಮಾನ್ಯ, ಆದರೆ ಅದು ಅತಿಯಾದರೆ ಏನಾಗುತ್ತದೆ ಎಂದು ತಿಳಿಯಲು ಈ ಕಥೆಯನ್ನು ಓದಿ.

ಅದೊಂದು ಕಾಡಿನಲ್ಲಿ ಒಂದು ಪುಟ್ಟ ಮೊಲವಿತ್ತು ಆ ಮೊಲಕ್ಕೆ ಪ್ರತಿದಿನವೂ ಒಂದೇ ಭಯ, ಅದೇನೆಂದರೆ ಭೇಟೆ ನಾಯಿ. ಪ್ರತಿ ಬಾರಿ ಮೊಲವು ಆಹಾರವನ್ನು ಹುಡುಕಿಕೊಂಡು ಹೊರಗಡೆ ಹೋದಾಗ ಆ ಭೇಟೆ ನಾಯಿಯು ಮೊಲವನ್ನು ಬೆನ್ನಟ್ಟುತಿತ್ತು. ಆ ಭೇಟೆ ನಾಯಿಯ ಕೈಯಿಂದ ತಪ್ಪಿಸಿಕೊಂಡು ಮರಳಿ ಮನೆಗೆ ಬರುವಷ್ಟರಲ್ಲಿ ಮೊಲಕ್ಕೆ ಸಾಕಾಗಿ ಹೋಗುತ್ತಿತ್ತು. ಇದರಿಂದ ಮೊಲಕ್ಕೆ ಹೊರಗಡೆ ಹೋಗಿ ಆಹಾರವನ್ನು ತರುವುದು ಕಷ್ಟವಾಗ ತೊಡಗಿತು. ಈ ಬೇಟೆ ನಾಯಿಯ ಕಾಟದಿಂದ ಹೇಗಾದರು ಮಾಡಿ ತಪ್ಪಿಸಿಕೊಳ್ಳಬೇಕು ಎಂದು ಪ್ರತಿನಿತ್ಯವೂ ಉಪಾಯವನ್ನು ಹುಡುಕತೊಡಗಿತು.

ಅದೊಂದು ದಿನ ಮೊಲವು ಆಹಾರವನ್ನು ತರಲೆಂದು ಹೊರಗಡೆ ಹೋದಾಗ ಆಕಳು, ಕುದುರೆ, ಮೇಕೆ ಮತ್ತು ಕತ್ತೆಯು ಒಟ್ಟಿಗೆ ಹುಲ್ಲು ಮೇಯುತ್ತಿರುವುದನ್ನು ಕಂಡಿತು. ಈ ನಾಲ್ಕು ಪ್ರಾಣಿಗಳು ಅನ್ಯೋನ್ಯವಾಗಿ ಇರುವುದನ್ನು ಕಂಡ ಮೊಲಕ್ಕೆ ಖುಷಿಯಾಯಿತು. ಅಬ್ಬಾ ಎಷ್ಟು ಒಗ್ಗಟ್ಟಾಗಿ ಇದ್ದಾರೆ ಇವರು. ಹೇಗಾದರು ಮಾಡಿ ಇವರ ಸ್ನೇಹ ಬೆಳೆಸಿಕೊಂಡರೆ ನಾನು ಕೂಡ ಇವರ ಜೊತೆಗೆ ಇರಬಹುದು ಮತ್ತು ಪದೇ ಪದೇ ತನಗೆ ಕಾಟ ಕೊಡುತ್ತಿರುವ ಭೇಟೆ ನಾಯಿಯಿಂದ ರಕ್ಷಣೆ ಸಿಕ್ಕ ಹಾಗೆ ಆಗುತ್ತದೆ ಎಂದು ಆಲೋಚಿಸಿತು.