2025 ರ : ಮಹಾ ಕುಂಭಮೇಳ ಎಂದರೇನು ? ಹಾಗೂ ಅದರ ವಿಶೇಷತೆ ಏನಿರಬಹುದು ಅನ್ನೋದು ನಿಮಗೆ ಗೊತ್ತಾ..!!

ಪ್ರಪಂಚದಲ್ಲಿ ಅತ್ಯಂತ ವಿಜೃಂಭಣೆ ಮತ್ತು ಕೋಟ್ಯಾನುಕೋಟಿ ಭಕ್ತಾದಿಗಳು ಸೇರಿ ನಡೆಸುವ ಏಕೈಕ ಹಬ್ಬವೆಂದರೆ ಅದೇ ಭಾರತದ ಪ್ರಯಾಗ್ ರಾಜ್ ನಲ್ಲಿ ನಡೆಯುವ ಮಹಾ ಕುಂಭಮೇಳ. ಕುಂಭಮೇಳದಲ್ಲಿ ಮೂರು ರೀತಿ ಕುಂಭಮೇಳವನ್ನ ಆಚರಿಸುತ್ತಾರೆ.ಅರ್ಧ ಕುಂಭಮೇಳ, ಪೂರ್ಣ ಕುಂಭಮೇಳ ಮತ್ತು ಮಹಾ ಕುಂಭಮೇಳ. ಅರ್ಧ ಕುಂಭಮೇಳವನ್ನ ಆರು ವರ್ಷಗಳಿಗೊಮ್ಮೆ ನಡೆಸಲಾಗುತ್ತದೆ ಹಾಗೂ ಪೂರ್ಣ ಕುಂಭಮೇಳವನ್ನ 12 ವರ್ಷಗಳಿಗೊಮ್ಮೆ ಆಚರಿಸಲಾಗುತ್ತದೆ ಮತ್ತು ಮಹಾ ಕುಂಭಮೇಳವನ್ನು 144 ವರ್ಷಗಳಿಗೊಮ್ಮೆ ಆಚರಿಸಲಾಗುತ್ತದೆ. ಈ ಎಲ್ಲಾ ಕುಂಭ ಮೇಳಗಳಿಗೆ ಆದರೆಯಾದ ವಿಶೇಷತೆಗಳಿವೆ, ಈ ಕುಂಭಮೇಳಗಳನ್ನು ಭಾರತದಲ್ಲಿ ನಾಲ್ಕು ಸ್ಥಳಗಳಲ್ಲಿ ಆಚರಿಸಲಾಗುತ್ತದೆ ಹರಿದ್ವಾರ, ಪ್ರಯಾಗ್ರಾಜ್, ಉಜ್ಜಯಿನಿ ಮತ್ತು ನಾಸಿಕ್ ಎಂಬ ಪುಣ್ಯ ಸ್ಥಳಗಳಲ್ಲಿ ಕುಂಭಮೇಳಗಳನ್ನು ಆಚರಿಸಲಾಗುತ್ತದೆ. ಉತ್ತರಖಂಡ ರಾಜ್ಯದ ಹರಿದ್ವಾರದ ಗಂಗಾ ನದಿಯ ತಡದಲ್ಲಿ ಕುಂಭಮೇಳವನ್ನು ಆಚರಿಸಲಾಗುತ್ತದೆ, ಮದ್ಯ ಪ್ರದೇಶ ರಾಜ್ಯದ ಉಜ್ಜಯಿನಿಯ ಶಿಪ್ರ ನದಿಯ ದಡದಲ್ಲಿ, ಮಹಾರಾಷ್ಟ್ರ ರಾಜ್ಯದ ಗೋದಾವರಿ ನದಿಯ ದಡದಲ್ಲಿ ಮತ್ತು ಉತ್ತರ ಪ್ರದೇಶ ರಾಜ್ಯದ ಪ್ರಯಾಗ್ರಜ್ ನ ಗಂಗಾ, ಯಮುನಾ ಮತ್ತು ಸರಸ್ವತಿ ನದಿಗಳು ಒಂದೇ ಜಾಗದಲ್ಲಿ ಸೇರುವಂತಹ ದಡದಲ್ಲಿ ಈ ಮಹಾಕುಂಭಮೇಳವನ್ನು ಆಚರಿಸಲಾಗುತ್ತದೆ.

ಸರಿಸುಮಾರು  40 ರಿಂದ 45 ಕೋಟಿ ಭಕ್ತಾದಿಗಳು ಸೇರುವಂತಹ ಸಾಧ್ಯತೆಗಳಿವೆ ಎಂದು ಕೇಂದ್ರ ಸರ್ಕಾರವು ಅಂದಾಜಿಸಲಾಗಿದೆ. ಜನವರಿ 13, 2025 ರಂದು ನಡೆದ ಮಹಾಕುಂಭಮೇಳ ಪೌಷ ಪೂರ್ಣಿಮಾದಲ್ಲಿ ಒಂದೇ ದಿನ ಸರಿಸುಮಾರು 1.60 ಕೋಟಿ ಅಷ್ಟು ಭಕ್ತಾದಿಗಳು ಪಾಲ್ಗೊಂಡಿದ್ದರು.

ಕುಂಭಮೇಳವು ಭಾರತದ ಪ್ರಮುಖ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಮಹೋತ್ಸವವಾಗಿದೆ. “ಕುಂಭ” ಎಂದರೆ ಕಲ್ಲಸ ಮತ್ತು “ಮೇಳ” ಎಂದರೆ ಮಹಾಸಭೆ ಅಥವಾ ಸಭಾಗಮ. ಇದು ಹಿಂದು ಧರ್ಮೀಯರ ಪವಿತ್ರ ನದಿಗಳಲ್ಲಿ ನಡೆಯುವ ಸ್ನಾನ ಮಹೋತ್ಸವವಾಗಿದ್ದು, ಕುಂಭಮೇಳವು ಭಾರತೀಯ ಸಂಸ್ಕೃತಿಯಲ್ಲಿನ ಒಂದು ಪ್ರಮುಖ ಧಾರ್ಮಿಕ ಉತ್ಸವವಾಗಿದೆ. ಇದು ಪ್ರತಿ 12 ವರ್ಷಗಳಿಗೊಮ್ಮೆ ನಡೆಯುತ್ತದೆ ಮತ್ತು ಮೂರು ಪ್ರಮುಖ ನದಿಗಳ ಸಂಗಮದಲ್ಲಿ, ಅಂದರೆ ಗಂಗಾ, ಯಮುನಾ ಮತ್ತು ಗುಪ್ತಗಾಮಿನಿ ಸರಸ್ವತಿ ನದಿಗಳಲ್ಲಿ ನಡೆಯುತ್ತದೆ. ಈ ಉತ್ಸವವು 144 ವರ್ಷಗಳಿಗೊಮ್ಮೆ ಮಹಾ ಕುಂಭಮೇಳವಾಗಿ ಆಚರಿಸಲಾಗುತ್ತದೆ.