ಟೈಟಾನಿಕ್ ಹಡಗಿನ ದುರಂತದಿಂದ ನೀವು ಕಲಿಯಬೇಕಾಗಿರುವ ನೀತಿ ಪಾಠ..!

ನಿಮಗೆಲ್ಲ 1912 ರಲ್ಲಿ ಮುಳುಗಿದ ಟೈಟಾನಿಕ್ ಹಡುಗಿನ ಬಗ್ಗೆ ಗೊತ್ತೇ ಇರುತ್ತದೆ. ತನ್ನ ಮೊದಲ ಯಾನದಲ್ಲಿಯೇ ಈ ಹಡಗು ಐಸ್ ಬರ್ಗ್ ಗೆ ತಾಗಿ ಮುಳುಗಿತ್ತು. ಟೈಟಾನಿಕ್ ಹಡಗು ಅಟ್ಲಾಂಟಿಕ್ ಮಹಾಸಾಗರದಲ್ಲಿ ಮುಳುಗುತ್ತಿರುವಾಗ ಅದರ ಸಮೀಪದಲ್ಲಿಯೇ ಇನ್ನು ಮೂರು ಹಡಗುಗಳು ಇದ್ದವು ಎಂಬ ವಿಷಯ ನಿಮಗೆ ತಿಳಿದಿದೆಯಾ?

ಮೊದಲನೆಯ ಹಡಗು ಸ್ಯಾಂಪ್ಸನ್ 1, ಅದು ಕೇವಲ 7 ಮೈಲೀ ದೂರದಲ್ಲಿತ್ತು. ಟೈಟಾನಿಕ್ ಮುಳುಗಿತ್ತಿದ್ದರೂ ಕೂಡ ಅದನ್ನು ನೋಡಿ ಅವರು ಸಹಾಯಕ್ಕೆ ಬರಲಿಲ್ಲ. ಏಕೆಂದರೆ ತಮ್ಮ ಸಿಬ್ಬಂದಿಗಳು ಅಕ್ರಮವಾಗಿ ಸೀಲ್ ಗಳನ್ನು ಬೇಟೆಯಾಡುತ್ತಿದ್ದರು, ಇದರ ವಿಷಯ ಯಾರಿಗೂ ತಿಳಿಯ ಕೂಡದೆಂದು ಅವರು ಹೀಗೆ ಮಾಡಿದರು.

ಎರಡೆನೆಯ ಹಡಗು ಕ್ಯಾಲಿಫೋರ್ನಿಯನ್, ಅದು ಕೂಡ ಕೇವಲ 14 ಮೈಲೀ ದೂರದಲ್ಲಿತ್ತು. ಮುಳುಗುತ್ತಿರುವ ಟೈಟಾನಿಕ್ ಸುತ್ತಲೂ ಐಸ್ ಫೀಲ್ಡ್ ಗಳು ತುಂಬಿಕೊಂಡಿವೆ ಎಂದು ಗಮನಿಸಿದ ಆ ಹಡಗಿನ ಕ್ಯಾಪ್ಟನ್ ತಮಗೆ ಅಪಾಯವಾಗುತ್ತದೆ ಎಂದು ಸಹಾಯಕ್ಕೆ ಬರಲಿಲ್ಲ.

ಇವೆರಡರ ನಂತರ ಟೈಟಾನಿಕ್ ಹತ್ತಿರವಿದ್ದ 3 ನೇ ಹಡಗು ಕಾರ್ಪಾಥಿಯ , 58 ಮೈಲೀ ದೂರವಿದ್ದರೂ ಕೂಡ ರೇಡಿಯೋ ದಲ್ಲಿ ತುಂಬಾ ಅಳುವ ಶಬ್ದ ಕೇಳಿದ ಆ ಹಡಗಿನ ಕ್ಯಾಪ್ಟನ್, ವಿರುದ್ಧ ದಿಕ್ಕಿನಲ್ಲಿದ ತನ್ನ ಹಡಗನ್ನು ತಿರುಗಿಸಿ ದೇವರಲ್ಲಿ ಟೈಟಾನಿಕ್ ಹಡುಗಿನ ದಿಕ್ಕನ್ನು ತೋರೆಂದು ಬೇಡುತ್ತಾ ತುಂಬಾ ವೇಗವಾಗಿ ಐಸ್ ಫೀಲ್ಡ್ ನೊಳಗೆ ನುಗ್ಗಿಸಿದನು.