400 ಹಾವುಗಳ ಜೊತೆ ಸಾಹಸ ಪ್ರದರ್ಶನ ಮಾಡಿದ ವ್ಯಕ್ತಿ..!!

ಮಲೇಷಿಯಾದ ಸ್ನೇಕ್ ಕಿಂಗ್ ಎಂದೇ ಹೆಸರುವಾಸಿಯಾದ ಅಲಿ ಖಾನ್ ಸಂಸುದಿನ ಅವರು ಹಾವು,ಚೇಳುಗಳ ಜೊತೆ ಸಾಹಸ ಪ್ರದರ್ಶನವನ್ನು ನೀಡುವ ಇವರು ಜನವರಿ 3, 1958ರಂದು ಜನಿಸಿದರು.ಇವರು ಚಿಕ್ಕ ವಯಸ್ಸಿನಿಂದಲೇ ಹಾವುಗಳನ್ನ ಕಂಡರೆ ಅಪಾರವಾದ ಪ್ರೀತಿ ಹಾಗೂ ಕುತೂಹಲವನ್ನು ಹೊಂದಿದರು. ಹಾವುಗಳು, ಚೇಳುಗಳನ್ನ ಹಿಡಿಯುವುದನ್ನೆ ವೃತ್ತಿಯಾಗಿ ತೆಗೆದುಕೊಂಡ ಇವರು. 1990ರಲ್ಲಿ ಸರಿ ಸುಮಾರು 5000ಕ್ಕೂ ಹೆಚ್ಚು ಚೇಳುಗಳಿದ್ದ ಗಾಜಿನ ಪೆಟ್ಟಿಗೆಯಲ್ಲಿ 21 ದಿನಗಳ ಕಾಲ ಇದು ತಮ್ಮ ಸಾಹಸ ಪ್ರದರ್ಶನವನ್ನು ಪ್ರಪಂಚಕ್ಕೆ ತೋರಿಸಿದರು. ಹಾಗೆ ಬರೋಬ್ಬರಿ 400ಕ್ಕೂ ಹೆಚ್ಚು ಕಾರ್ಕೋಟಕ ವಿಷಯಿರುವ ಹಾವುಗಳ ಜೊತೆ 40 ದಿನಗಳ ಕಾಲ ಒಂದೇ ಪೆಟ್ಟಿಗೆಯಲ್ಲಿದ್ದು ರೋಮಾಂಚಕ ಸಾಹಸವನ್ನು ಮಾಡಿದರು. ಇವರ ಸಹವಾಸವನ್ನು ಮೆಚ್ಚಿ ಇವರಿಗೆ “ಸ್ನೇಕ್ ಕಿಂಗ್” ಹಾಗೂ “ಸ್ಕಾರ್ಪಿಯನ್ ಕಿಂಗ್” ಎಂಬ ಬಿರುದು ನೀಡಿ ಗಿನ್ನಿಸ್ ಬುಕ್ ಆಫ್ ರೆಕಾರ್ಡ್ ನಲ್ಲಿ ಇವರ ಹೆಸರು ಸೇರ್ಪಡೆಯಾಗಿದೆ.

ದುರಂತದ ಸಂಗತಿ ಏನಪ್ಪಾ ಅಂದರೆ ಸುಮಾರು 25 ವರ್ಷಗಳ ಕಾಲ ಇದೇ ಕೆಲಸದಲ್ಲಿ ತೊಡಗಿರುವ ಇವರಿಗೆ ಬರೋಬ್ಬರಿ 99 ಸಲ ಹಾವುಗಳ ಕಡಿತಕ್ಕೆ ಒಳಗಾದರೂ ಕೂಡ ಪ್ರಾಣಾಪಯದಿಂದ ಗೆದ್ದು ಬಂದಿದ್ದಾರೆ. ಆದರೆ ಅಷ್ಟು ಸಲ ಹಾವುಗಳ ಕಡಿತಕ್ಕೆ ಒಳಗಾದರೂ ಕೂಡ ಒಮ್ಮೆಯೂ ತೊಂದರೆಯನ್ನು ಅನುಭವಿಸಿದ ಇವರು ಒಮ್ಮೆ ಕೌಲಲಾಂಪುರನಲ್ಲಿ ನಡೆಸಿದ ಸಾಹಸ ಪ್ರದರ್ಶನದಲ್ಲಿ ನಾಗರಹಾವು ಅವರ ಕೈಗೆ ಕಚ್ಚಿದ್ದು ಅವರ ಪಾಲಿಗೆ ಕೊನೆಯ ಪ್ರದರ್ಶನವಾಯಿತು.ಹಾವು ಕಡಿತದಿಂದ ಒಳಗಾದ ಅವರು ಆಸ್ಪತ್ರೆಗೆ ದಾಖಲಾದರು ಕೂಡ ಚಿಕಿತ್ಸೆ ಫಲಕಾರಿ ಆಗದೆ ಸಾವನಪ್ಪಿದ್ದರು.